Browse By

江恩港股分析:混亂的六月

001

恆指高開27點後回落,最多跌106點見20,290點,最多倒升223點,收市升179點或0.9%,報20,576點;國指收報8,595點,升69點或0.8%,大市全日成交額555.2億元。

我前文寫「但係我自己會星期一開底後,會考慮平倉。最少會將短線部署的淡倉全平,亦會平部份長線淡倉。

小時圖中目前見形成一個雙底,而且20號當日周期匯聚中見升,加上節氣。而19500及19600是我們之前在直播中討論的長期江恩通道中的重要支持位。星期五反彈。有機會短線於此見底。

而長線淡倉止賺位,或者我只會留好少部份,係當恆生指數升穿20200(收市計),而大部份平倉止賺位係20500。
那是否大市見底,非也,只是後抽。何況發生的條件係升穿20100~20200。因為升穿就會升穿江恩線下跌通道。短線破壞了跌勢。」

而我在上星期二的分享會中及Facebook Live直播中,亦重覆過小時圖中雙底,我們要小心後抽的論點。

結果大市於星期二後開始後抽,到今天20600,我於分享會及直播中提及的其中一個位20600。

其實星期日的更新已經說明了小時圖中目前見形成一個雙底有機會短線於此見底。亦說明了「但係我自己會星期一開底後,會考慮平倉。最少會將短線部署的淡倉全平,亦會平部份長線淡倉。」;及「長線淡倉止賺位,或者我只會留好少部份,係當恆生指數升穿20200(收市計)」相信有認真睇的朋友已經可能保存了大部份的利潤。

我自己其實大部份倉已經係星期一平倉,而升穿20100之後已經將大部份倉位全部平曬。

之後大市又如何看?

今日我跟我佛門師兄及抄家傾計,他提出一個觀點。即是六月期指大低水300點,跟據他經驗有機會結算後就即時收窄低水。如果成立,那星期一下午或星期二就可能會突然夾高。

而我跟他大家觀點都係一致係20600水平短線上升空間不多。最盡將是20800/20900。到頂之後會再次回落,第一個支持位係20200/19800。

另一方面,我們要留意下面圖中6月4日,6月9日(端午節)
6月18日,7月2日及7月15日或18日。這不是你們所認知的轉勢日,而係一些重要周期時間。這些日子前後2日,如假期就放假前後,將要留意住,可能重要高低點都會係到出現。

而我6月9日(端午節),6月18日之後,可能亦係一個重要轉折位。可能我們到時再決定。

而我仍然都係睇六月至七月頭之間見底。

不過六月會波幅會加大,而且複雜程度會加大。如果初哥可以考慮以觀望為主,等六月尾七月頭買貨。

因為複雜程度很高,錯機會亦很大,所以錯左大家多多包涵,亦請獨立分析。

亦請多大有時睇文多睇幾次,唔明可以再問。因為我真係每日收到太多Inbox問問題,大多都係問聽日升定跌,當一個人答一個問題一次好易,但答幾十個問題,我應該唔會覆曬。希望大家體諒。

我朋友「神七」呼籲大家把握今個月同下個月都去損血,一泥幫人,二泥應左個劫。

如果有300個like就4日內更新 500個就2至3日內

免責聲明:本網頁屬個人網誌,一切言論並不構成要約、招攬或邀請、誘使、任何不論種類或形式之申述或訂立任何建議及推薦,讀者務請運用個人獨立思考能力自行作出投資決定,如因相關言論招致損失,概與本人無涉。

證券價格可升可跌,甚至變成毫無價值。買賣證券未必一定能賺取利潤,反而可能會招致損失。投資者及客戶應審慎,並在作出其投資決定時僅應視本網頁為眾多考慮因素之一。並請獨立思考。

發表迴響

你的電子郵件位址並不會被公開。 必要欄位標記為 *