江恩港股分析:如果無人笑你,那便不是夢想

0013-1-1-1

001 恆指低見20,058點,一度跌391點,全日收報20,109點,跌339點或1.7%,國指全日收8,471點,跌155點或1.8%,大市全日成交增加至676.68億元。 五月一開始,大市開始由21650附近大跌,四月早前眾專家又話突破,又話全力建倉,或者牛一,到今日改為「五窮六絕」。亦有專家見風轉陀,又唱好又唱淡。 而我跟一位朋友食飯,佢都認同如果三月倉位無走,到今日已經要輸。

多次預測大市中線走勢命中,今次亦再一次力排眾議,力議「三月見頂,六月見底」論,突然間個市好似好多消息看淡,而跟江恩(Willian D.Gann)經常說「當時間到達,成交量將推動價位升跌。」,事後孔明是無用的。 那大市點睇? 目前大市走勢上,其後跌勢已成立,而星期五晚上夜期亦再一次跌穿20000點。 大市很大機會找到一個支持位後發生後抽,最高目標應不高於20600/20800,不過20400亦係向上一個大阻力位。而支持位發生的支持位有機會係20000/19100兩個位發生。後抽幅度約500~800點左右。 我自己睇法係恆生指數目前正一浪低於一浪,如果跌穿20000/19800左右,會直指19100點或17700點,或者更差。再差一點睇16300/15300。而我覺得真正底部份六月尾,七月頭。 而我自己會用「長線」「短線」部署的淡倉去配合做,到支持位平「短線」,「長線」唔走,高又沽下。其實我唔會教你做倉,唔洗諗我會寫做SHORT/LONG等等,我只會分析方向。 星期一就算彈,我見岩位,我都會再沽過。 「長線」部署的淡倉我係唔會走。 而萬眾期待的「小龍江恩研究社」五月生日會,下星期HKU SPACE會開始接受報名,我會先開放報名比之前上過堂既學生,之後再放上FACEBOOK,當然今次係比Died Heart Fan準備,希望多謝你地兩年支持,所以一定係憑「小龍江恩轉勢日」一書入場。 當然你帶埋書泥,一定會簽名 而今次由於費用全免,所以預左會好爆,所以你一定係LIKE完,之後要如下圖簡「搶先看See First」同「通知開啟Get notification」。即係好似你搶IPHONE,你都會SET個通知器,我會係突擊開放報名,額滿即止。 「小龍江恩轉勢日」大賣,目前第二版會火速上市。出版社會星期一會加印「第三版」,而各大書局陸續補貨。朋友報料沙田商務,元朗三聯及太古誠品都有。 再一次多謝大家,這我相信不是虛名,而是我三年的努力,大家及出版社,雜誌及HKU SPACE對我的肯定。如李斯特城Vardy說「如果無人笑你,那便不是夢想」。 請大家唔好寫完出泥,睇完文章都唔LIKE 免責聲明:本網頁屬個人網誌,一切言論並不構成要約、招攬或邀請、誘使、任何不論種類或形式之申述或訂立任何建議及推薦,讀者務請運用個人獨立思考能力自行作出投資決定,如因相關言論招致損失,概與本人無涉。 證券價格可升可跌,甚至變成毫無價值。買賣證券未必一定能賺取利潤,反而可能會招致損失。投資者及客戶應審慎,並在作出其投資決定時僅應視本網頁為眾多考慮因素之一。並請獨立思考。
]]>

Recommended Articles